இலங்கையின் எரிசக்தித் தொழிற்துறையில் குறிப்பிடத்தக்க முதலீட்டு வாய்ப்புகளில் ஐக்கிய அரபு இராஜ்சியம் ஆர்வமாக உள்ளது – இலங்கைக்கான ஐக்கிய அரபு இராஜ்சியத்தின் தூதர்

சமீபத்தில், இலங்கைக்கான ஐக்கிய அரபு இராஜ்சியத்தின் தூதர் காலித் நாசர் அல்அமெரி மற்றும் இலங்கையின் வலுசக்தி அமைச்சர் பொறியியலாளர் குமார ஜெயக்கொடி ஆகியோருக்கு இடையே சந்திப்பொன்;று இடம்பெற்றுள்ளது.

இந்த நிகழ்வில் தனது கருத்துக்களைப் பகிர்ந்து கொண்ட தூதர், சமீபத்தில் ஜனாதிபதி அனுர குமார திசாநாயக்கவைச் சந்தித்ததாகக் கூறினார், மேலும் இலங்கையுடன் மிக நெருக்கமான, நட்புறவைக் கொண்ட ஒரு நாடாக, ஐக்கிய அரபு இராஜ்சியம்; நாட்டில் சமீபத்திய அரசியல் மாற்றத்தை மிகவும் நேர்மறையாகக் கருதுகிறது என்பதையும், முதலீட்டு வாய்ப்புகள், குறிப்பாக எரிசக்தித் தொழிற்துறையில் தங்கள் ஆர்வத்தை மேலும் வெளிப்படுத்துகிறது என்பதையும் எடுத்துரைத்தார். மேலும், ஜனாதிபதி திசாநாயக்கவின் ஐக்கிய அரபு இராஜ்சியம் (UAE) விஜயம் இந்த முதலீட்டு வாய்ப்புகள் குறித்த விழிப்புணர்வை ஏற்படுத்தவும் பல்வேறு ஒப்பந்தங்களை எட்டவும் ஒரு சிறந்த வாய்ப்பாக அமையும் என்று அவர் உறுதியாக நம்புகிறார்.

இந்நிகழ்வில் பேசிய வலுசக்தி அமைச்சர் பொறியியலாளர் குமார ஜெயக்கொடி, இலங்கையின் ஆறாவது பெரிய ஏற்றுமதி சந்தையாகவும், அதிக எண்ணிக்கையிலான இலங்கையர்கள் பணிபுரியும் நாடாகவும் இருக்கும் ஐக்கிய அரபு இராஜ்சியம், இலங்கையுடன் வலுவான நட்பைக் கொண்ட ஒரு செல்வந்த மற்றும் வளமான நாடு என்றும், ஐக்கிய அரபு இராஜ்சியத்துடனான அனைத்து வகையான உறவுகளையும் அவர் மிகவும் மதிக்கிறார் என்றும் தெரிவித்தார். முதலீட்டு உறவுகள், குறிப்பாக எரிசக்தித் துறையில், அந்த நட்பை மேலும் வலுப்படுத்தும் என்று தான் உறுதியாக நம்புவதாகவும் அவர் தெரிவித்தார். பிராந்தியத்தில் எரிசக்தி ஸ்திரத்தன்மைக்கான ஒத்துழைப்பின் முக்கியத்துவத்தையும் அமைச்சர் வலியுறுத்தினார், மேலும் ஜனாதிபதியுடன் ஐக்கிய அரபு இராஜ்சியத்துக்குகான எதிர்கால பயணத்தின் போது இன்னும் பல ஒப்பந்தங்களை எட்ட விரும்புவதாகவும் அவர் கூறினார்.