சூரிய சக்தியைப் பயன்படுத்தி நாட்டின் எரிசக்தி இலக்குகளை அடைவதற்கு நாங்கள் உறுதிபூண்டுள்ளோம்

மட்டக்களப்பின் வவுணதீவில் “10 மெகாவாட் சூரியசக்தி சூரிய மின் உற்பத்தி நிலையத்தை” திறந்து வைக்கும் விழாவில் வலுசக்தி அமைச்சர் பொறியியலாளர் குமார ஜெயக்கொடி தொடர்ந்து கூறுகையில்,
“பூமத்திய ரேகைக்கு அருகில் அமைந்துள்ள ஒரு நாடாக, வருடத்தின் ஒவ்வொரு நாளும் நாம் ஏராளமான சூரிய ஒளியைப் பெறுகிறோம். ஒரு அரசாங்கமாக, இந்த இயற்கையின் ஆசீர்வாதத்தை அதிகபட்சமாகப் பயன்படுத்தி நமது நாட்டின் எரிசக்தி இலக்குகளை அடைவதற்கு நாங்கள் உறுதிபூண்டுள்ளோம். மீள புதுப்பிக்கத்தக்க மற்றும் பசுமை எரிசக்தி மூலமாக சூரிய ஒளியின் முக்கியத்துவத்தையும் அது செய்யக்கூடிய குறிப்பிடத்தக்க பங்களிப்பையும் கருத்தில் கொண்டு, சூரிய சத்தி துறையின் அபிவிருத்திக்காக நாங்கள் தொடர்ந்து பாடுபடுவோம், குறிப்பாக உள்நாட்டு முதலீட்டாளர்கள் இந்தத் தொழிற்துறையில் முதலீடு செய்வதற்கு ஊக்குவிப்பதை நோக்கமாகக் கொண்டுள்ளோம்,” என்று வலுசக்தி அமைச்சர் பொறியாளர் குமார ஜெயக்கொடி, சமீபத்தில் (26) மட்டக்களப்பு மாவட்டம் வவுணதீவில் நடைபெற்ற 10 மெகாவாட் சூரிய சக்தி சூரிய மின் நிலையத்தின் அதிகாரப்பூர்வ திறப்பு விழாவில் கலந்து கொண்டு கூறியுள்ளார்.

இந்த தொலைதூரப் பகுதி மக்களுக்கு தொலைக்காட்சிகள், இசைக்கருவிகள், விளையாட்டு உபகரணங்கள் மற்றும் சூரிய சக்தி தெரு விளக்குகள் நன்கொடையாக வழங்கப்பட்டதற்கு அமைச்சர் மேலும் நன்றி தெரிவித்தார். மேலும், இந்த பகுதியின் இளைஞர்கள் சூரிய சக்தி துறையில் பயிற்சி பெற வாய்ப்புகளையும் பொருத்தமான உதவிகளையும் வழங்குமாறு அதிகாரிகளிடம் சிறப்பு கோரிக்கை விடுத்தார். இது வேகமாக வளர்ந்து வருகிறது, மேலும் உள்நாட்டு மற்றும் சர்வதேச அளவில் பல வேலை வாய்ப்புகளையும் வழங்குகிறது. (ஆளும் அதிகாரசபை இந்த கோரிக்கையை ஏற்றுக்கொண்டு 20 இளைஞர்களுக்கு அத்தகைய பயிற்சிகளை வழங்குவதற்கு ஒப்புக்கொண்டது குறிப்பிடத்தக்கது) மட்டக்களப்பு மாவட்டத்தில் வவுணதீவில் 27 ஏக்கர் நிலப்பரப்பில் நிர்மாணிக்கப்பட்ட இந்த சூரிய சக்தி மின்சார நிலையம், விண்ட் ஃபோர்ஸ் பிஎல்சி மற்றும் விதுலங்கா போன்ற இலங்கை நிறுவனங்களால் ரூ. 2.2 பில்லியன் முதலீட்டில், முன் தயாரிக்கப்பட்ட குவியல் கட்டமைப்புகளைப் (pசநஉயளவ pடைந ளவசரஉவரசநள) பயன்படுத்தி நிர்மாணிக்கப்பட்ட முதல் சூரிய சக்தி திட்டமாகும். இதன் நிர்மாணம் சுற்றாடல் நிலைமைகளை சிறப்புக் கருத்தில் கொண்டு மேற்கொள்ளப்பட்டது குறிப்பிடத்தக்கது, ஏனெனில் இந்தப் பகுதி குளம் அருகே அமைந்துள்ளது, குறைந்த விவசாய திறனைக் கொண்டுள்ளது மற்றும் அவ்வப்போது வெள்ளத்திற்கு ஆளாகிறது. இந்த நிகழ்வில் தேசிய மக்கள் சக்தி அமைப்பின் மட்டக்களப்பு மாவட்ட நாடாளுமன்ற உறுப்பினர் கந்தசாமி பிரபு, இலங்கை நிலைபெறு தகு வலுசக்தி அதிகாரசபையின் தலைவர் டி.எம்.டபிள்யூ.ஜே. பண்டார் இலங்கை மின்சார சபையின் துணைத் தலைவர் பேராசிரியர் சாலிய ஜெயசேகர் இலங்கை மின்சார சபையின் பதில் பொது முகாமையாளர் பொறியாளர் வசந்த எதிரிசூரிய விண்ட் ஃபோர்ஸ் பி.எல்.சி.யின் துணைத் தலைவர் அஸ்கா அக்பர் அலி; விதுலங்காவின் முகாமைத்துவ பணிப்பாhளர். ரியாஸ் சங்கனி; விண்ட் ஃபோர்ஸ் பி.எல்.சி.யின் முகாமைத்துவ பணிப்பாhளர் மஞ்சுளா பெரேரர் செலான் வங்கியின் துணைப் பொது முகாமையாளர்; ரமேஷ் ஜெயசேகர் மற்றும் சில அதிகாரிகள் கலந்து கொண்டனர்.